Rägetröpfli

Gschichte u Gedicht usem Röthebach
Von Helene Aeschlimann

Leseprobe:
Dr Pfarrer

„Einisch isch e Pfarrer gsy wo gärn eso um d Mittagszyt isch ga Bsüech mache bi de Lüt, so dass sinim aschtandshauber hei müesse z Mittag gäh. Ömu isch er eis bi öppere gsy, wos zum Ässe so feine Ragu het gäh u dä Pfarrer het gässe wie wener em Verhungere wär gsy. Z Letscht het er gseit, das isch auso sehr feins Schöflifleisch gsy. U du seit du dr chlin Hansli: „Das isch nid Schöflifleisch, das isch Wau-Wau gsy“.